咱來讀讀

資深多才情的臺語人、本土語言傑出貢獻獎得主王秀容，精選十外冬的散文創作佮近期新作，配古錐、趣味有意境的插畫，集做這本臺語有聲散文集《咱來讀讀》。伊用柔情貼心的健筆，書寫女性的心思；用深刻關懷的目神，記錄你我的生活；用溫婉靜美的喉音，細說世間的悲喜。伊斟酌的筆力，豐沛的感情，入耳的聲音，誠心開講家己的人生，嘛咧破讀逐家的動靜。伊用輕鬆、親切、有文學味、媠閣趣味的臺語佮哲理，予咱有迎接未來的精神佮勇氣。